Kishte shkuar për peshkim, 40-vjeçari në Durrës bie në ujë dhe e rrëmben rryma

Një 40-vjeçar në Durrës, i cili kishte shkuar për të peshkuar në Porto Romano, është rrëzuar aksidentalisht në ujë dhe e ka rrëmbyer rryma.

Sipas Policisë, 40-vjeçari dyshohet të ketë ndërruar jetë, ndërkohë që polumbarët e RENEA-s po kryejnë kërkimet për gjetjen e trupit të tij.

Ndërkohë një grup i posaçëm hetimor i ngritur për rastin, po kryen hetimet për të zbardhur rrethanat.

Njoftimi i Policisë:

Durrës-Rreth orës 17:15, kanë shkuar për të peshkuar në Porto Romano, shtetasit A. N., 40 vjeç, E. N., 34 vjeç (vëllai i 40-vjeçarit) dhe M. V., 33 vjeç. Gjatë peshkimit dyshohet se ka rrëshqitur dhe ka rënë në ujë, shtetasi A. B., i cili është tërhequr nga rryma dhe nuk ka mundur të dalë nga deti.

Shërbimet e Policisë Kufitare dhe ato të Drejtorisë Vendore të Policisë Durrës kanë shkuar menjëherë në vendin e ngjarjes dhe së bashku me polumbarët e RENEA-s do të kryejnë kërkimet për gjetjen e trupit të shtetasit A. B.

Ndërkaq, një grup i posaçëm hetimor i ngritur për rastin, po kryen hetimet për të zbardhur rrethanat.

LEXONI GJITHASHTU:

• Policia detaje nga krimi në Durrës, të atin e qëlloi djali, si bashkëpunoi me motrën
• Fëmijët u tradhtuan nga telefoni, si u zbulua krimi i rëndë në Durrës