Kontrolli i Lartë i Shtetit ka zbuluar këtë vit dëme kolosale në buxhetin e shtetit, por mungesën dhe keqmenaxhimin e parave nuk e ka kallëzuar në prokurori. Në raportin e këtij viti, në 1 mld euro dëm ekonomik janë kallëzuar në prokurori vetëm 6 zyrtarë, të cilët janë përfshirë në një dosje.
Krahasuar me vitet e kaluara, numri i padive është dukshëm më i ulët, me vetëm 0.7 individë të kallëzuar në muaj nga 5.2 që ishte në 2021.
Në vend të padive, KLSH ka zgjedhur të japë këshilla dhe rekomandime për institucionet, të cilat për periudhën janar-shtator arrijnë në 3800.
Ndërkohë, vitet e kaluara, për të njëjtën periudhë rekomandimet arrijnë deri në 2700. Vetë institucionet, i kanë pranuar në 97% të rasteve këto këshilla, duke deklaruar se do bëjnë korrigjimet e nevojshme.
Shkeljet që bëjnë ministritë, bashkitë apo institucionet në disa prej zyrave shoqërohen me dëme që mbërrijnë në miliona euro, ndërsa në shumë të tjera dëmet janë në vlerë të ulët.
LEXONI GJITHASHTU