Kolegët i sjellin çantën e shërbimit, varroset mes lotësh zjarrfikësi dhe e dashura

Mes dhimbjes e lotëve të afërmit, miqtë dhe kolegët i kanë dhënë lamtumirën e fundit 24-vjeçarit vjeçarit Nikitas Karatheodorou dhe të dashurës së tij Kalliopi Porphyridou, dy nga 57 të vdekurit nga përplasja e trenit në Tempi, Greqi.

Kolegët e 24-vjeçarit, i cili ishte me profesion zjarrfikës erdhën për t’i dhënë lamtumirën e fundit, ndërsa kishin sjellë me vete edhe çantën e shërbimit të cilën kolegu i tyre i ndjerë e kishte lënë në dollapët e departamentit të zjarrfikësve të Athinës, ku edhe punonte.

24-vjeçari Nikitas të martën e kaluar në mbrëmje mori trenin me partneren e tij, Kelly, nga Athina për t’u bërë surprizë prindërve të tyre, por nuk mundën të arrinin në destinacion.

Të paktën 57 persona kanë humbur jetën nga përplasja fatale mes një treni udhëtarësh dhe një treni mallrash të mërkurën në Larisa, Greqi.

Sipas mediave greke bëhet fjalë për 130 të lënduar dhe 66 persona që po marrin mjekim në spital. 6 prej tyre janë në gjendje të rëndë.

LEXONI GJITHASHTU:

• Homazhe për viktimat në Greqi, qytetarëve e Korçës ndezin qirinj në katedrale
• Me nderime ushtarake, pamjet nga varrimi i studentes shqiptare në Greqi