Deputeti i Partisë Socialiste, Bardhyl Kollçaku thotë se dhënia e vizave turistike për qytetarët rusë nuk përbën frikë apo panik.

Në emisionin “Now” në “Euronews Albania”, Kollçaku u shpreh se kushdo që merr një vizë monitorohet nëse përbën objekt dyshimi.

Sipas tij, Shqipëria është në një linjë me sanksionet e vendosura nga SHBA-të dhe BE-ja.

“Kushdo që merr vizën, monitorohet që përbën objekt dyshimi. Shqipëria ndjek vendosjen e sanksioneve nga SHBA dhe BE, sanksionet janë të koordinuara dhe nuk janë të drejtuara kundër popullit rus. Janë 570 subjekte që janë futur në sanksione por jo populli rus. Ne nuk duhet të kalojmë në atë frikën apo panikun ndaj qyetarëve të thjeshtë”, tha Kollçaku.

Më 21 prill, Shqipëria Shqipëria lëshoi viza turistike për 8 shtete, përfshirë edhe Rusinë.

LEXONI GJITHASHTU

• ‘Mbyllni portet për anijet ruse, kufizoni turistët’, Zelenski rendit kërkesat
• Shqipëria lëshon viza turistike për 8 shtete, agjencitë nuk presin fluks