Kombëtarja e Argjentinës detyrohet të largohet me helikopter nga festimet

Lionel Messi dhe shokët e tij të Kombëtares së Argjentinës u larguan të martën nga autobusi i hapur me helikopter, në mes të festimeve të çmendura të triumfit të Kupës së Botës 2022 në Buenos Aires.

Pasi u kurorëzua kampione e Botës me fitoren me penallti ndaj Francës në finalen e Katarit, skuadra e Argjentinës u kthye në atdhe në orët e para të mëngjesit të së martës dhe u përshëndet nga mijëra tifozë entuziastë në aeroport.

Messi ishte i pari që doli nga aeroplani me trofeun e Kupës së Botës në duart e tij, i vetmi titull që i kishte shpëtuar në karrierën e tij të suksesshme.

Rreth katër milionë njerëz besohet se kanë dalë për t’i përshëndetur, duke detyruar autobusin të ndërronte rrugën, autostradat ishin të mbushura dhe përfundimisht duke nxitur një dalje me helikopter.

LEXONI GJITHASHTU:

• “Argjentinasit udhëtonin 20 orë, ishin tifozët më të çmendur”
• Kupa e Botës | E marta ditë feste në Argjentinë, 1 milion qytetarë në sheshe