Komision i pavarur në SHBA për hetimin e sulmit në Kapitol

Pavaresisht votimit kundër në Senat mbi inkriminimin e dytë, të ish-presidentit Donald Trump, atij mund t’i duhet të perballet me një komision hetimor për ngjarjet e Kapitolit në fillim të muajit janar. Këtë lajm e ka bërë të ditur kryetarja e Dhomës së Përfaqësuesve në SHBA, Nancy Pelosi.

Ndërkohë në një letër drejtuar kolegëve demokratë, znj. Pelosi ka cilësuar se Dhoma e Përfaqësuesve do të japë edhe fonde shtesë për të rritur sigurinë në Kapitol.

Ky vendim është ndërmarrë pasi nuk është arritur të ndërprehet debati mbi këtë ngjarje, pasi vendimi i Senatit të shtunën, pati një rezultat prej 57-43, 10 vota më pak se dy të tretat e nevojshme për të shpallur ish-presidentin Donald Trump fajtor.

“Duhet të ketë një hetim të plotë për atë që ka ndodhur. Trump duhet të vihet përpara përgjegjësisë” – është shprehur senatori nga Louisiana, Bill Cassidy