Komisioneri i Bashkimit Europian për Menaxhimin e Krizave, Janez Lenarčič zhvilloi një takim me kreun e qeverisë Edi Rama këtë të hënë dhe pati një konferencë të përbashkët për shtyp nga selia e Kryeministrisë.
Pyter nga ”Euronews Albania” se sa ëshë shuma e dhënë nga Bashkimi Europian për rindërtimin, Lenarčič theksoi se kjo nuk lidhet drejtpërdrejt me mandatin e tij, por bëri me dije se unioni ka dhënë një fond prej 75 milion eurosh për rindërtimin e kopshteve dhe shkollave.
”Kjo është një fushë e cila nuk është në mënyrë të drejtpërdrejtë pjesë e mandatit tim, megjithatë unë kam dëshirë që të shoh se si kanë ecur punët. Nesër në mëngjes unë do të shkoj për vizitë në disa prej ambienteve të cilat janë financuar me anën e fondeve për rindërtim që ka dhënë Bashkimi Europian. Do të shkoj në një kopsht nesër në Durrës, që është ndërtuar me fondet e BE. Gjithsej 75 milionë euro janë dhënë nga BE për rindërtimin e shkollave, kopshteve dhe të 11 bashkitë e prekur nga tërmeti kanë përfituar nga këto fonde”, tha ai.
Komisioneri nënvizoi se Bashkimi Europian ka financuar edhe 40 milion euro për rehabilitimnin e monumenteve të kulturës, në kuadër të programit BE për kulturën.
Sipas tij, shumica e projekteve tashme ka përfudnuar dhe ato që kanë mbetur do të mbarojnë në fund të këtij viti.
LEXONI GJITHASHTU