Kompania Regeneron: ‘Një dozë me antitrupa është efektive në parandalimin e COVID-19’

Kompania farmaceutike Regeneron tha gjatë ditës së martë se një dozë me antitrupa është efektive në parandalimin e COVID-19 te njerëzit, bazuar në rezultatet e një studimi të fundit që ka kryer vet kompania.

Doza me dy antitrupa, REGEN-COV, shkaktoi një ulje me 100% të infektimit simptomatik dhe uli afërsisht me 50% normat e infektimit, sipas të dhënave që erdhen nga analizat e 400 personave që morën pjesë, të cilët e kishin një person në familje të infektuar me Covid-19.

Kjo dozë antitrupash, REGEN-COV, është një vaksinë pasive, e cila përfshin dërgimin e drejtpërdrejtë të antitrupave të luftojnë virusin në trupin e njeriut.

REGEN-COV mund të jetë në gjendje të sigurojë imunitet të menjëhershëm pasiv për ata me rrezik të lartë të infektimit, ndryshe nga vaksinat e tjera që kërkojnë javë për të siguruar mbrojtje ka thënë kompania.

George Yancopoulos, presidenti i kompanisë farmaceutike Regeneron tha për zbulimin e këtyre të dhënave se: “Këto të dhëna tregojnë se mund të reduktohet transmetimi i virusit, dhe ngarkesa virale tek ata që infektohen.”