Festivali Evropian i Këngës “Eurovision Song Contest 2023” ka nisur përgatitjet e fundit për spektaklin e përvitshëm që dhuron emocione të veçanta.
Këtë vit, Shqipëria do të përfaqësohet nga Albina Kelmendi dhe familja e saj, me këngën “Duje”. Ndërkaq bëhet me dije se e ftuar speciale e natës së parë të edicionit do të jete edhe një tjetër këngëtare shqiptare, Rita Ora.
Autorja e tekstit dhe muzikës së këngës Duje, Eriona Rushiti tha në një intervistë për Euronews Albania se ka një mungesë interesimi nga ana e medias për të promovuar këngën që do të përfaqësojë Shqipërinë.
Ajo bëri thirrje që shqiptarët të votojnë këngën që i përfaqëson duke qenë se këtë herë në Eurovizion, finalen e përcaktojnë votat e publikut.
“Deri tani kam parë pak përpjekje nga televizionet për ta promovuar pjesëmarrjen e Shqipërisë në Eurovizion ndaj kam një falenderim për ju si TV. Ajo këngë është pjesë e çdo shqiptari. Ndjesia e pjesëmarrjes në Eurovizion është shumë e bukur se përfaqëson çdo shqiptar, ballafaqohesh me shumë kultura, sivjet ka një ndryshim se ashtu si festivali ynë e përcaktoi vajtjen tonë përmes votave të publikut, ka një ndryshim në mënyrën e të votuarit ku në dy gjysmë finalet e para do votojë vetëm publiku”, tha Rushiti.
LEXONI GJITHASHTU: