Grupi i njohur i rrokut “KISS’ ka mbyllur karrierën 50-vjeçare me një koncert madhështor në Nju Jork të titulluar “Fundi i Rrugës”.
Grupi ikonë amerikan i rock-ut KISS përfundoi turneun e tyre “End of the Road” me një koncert final, kulmi i 50 viteve turne, në Madison Square Garden në Nju Jork.
Themeluesit Paul Stanley dhe Gene Simmons, si dhe kitaristi Tommy Thayer dhe bateristi Eric Singer u ngjitën në skenë, duke interpretuar këngë klasike si “I Love It Loud” dhe “Beth”.
Por fundi është vetëm fillimi. KISS janë përjetësuar duke rilindur si avatarë për të performuar përgjithmonë.
Në fund të shfaqjes, muzikantët u larguan nga skena dhe avatarët e tyre dixhital zunë vendet e tyre për të performuar “God Give Rock and Roll To You”.
Grupi publikoi gjithashtu një video në kanalin e tyre zyrtar në YouTube që tregon muzikantët në procesin për të krijuar avatarët dixhitalë, si dhe vetë avatarët duke performuar.
