Konfindustria Shqiptare kërkon përmirësimin e gjendjes së rrugës dytësore Durrës-Tiranë

Bashkimi i ofruesve të shërbimeve, prodhimit dhe ndërtimit në Shqipëri, Konfindustria Shqiptare ka kërkuar të merren masa për përmirësimin e rrugës dytësore në autostradën Durrës-Tiranë.

Sipas dokumentit, më shumë se 70% e njësive industriale të kryeqytetit janë përqendruar në këtë zonë, ndërkohë që rruga në të dy anët e autostradës është shumë e dëmtuar.

Përveç aksidenteve të mundshme, ky segment rruge sjell vështirësi në qarkullimin e mjeteve, dëmtimin e tyre, rritjen e kostove dhe shkatërrimin e mjedisit.

Konfindustria Shqiptare thotë se sistemi deri tani për mirëmbajtjen e rrugës ka dështuar, përfshirë këtu edhe një projekt i cili është financuar me kredi nga Banka Botërore.

Sipas tyre kostoja e lartë që paguajnë taksapaguesit dhe mirëmbajtja e rrugës nuk përputhen, situatë kjo që për Konfindustrinë cilësohet si shpërdorim dhe korrupsion.

LEXONI GJITHASHTU:

• Klima e biznesit në Shqipëri, Gjergj Buxhuku: Nevojë urgjente për një sistem të ri drejtësie
• Administratori i Përgjithshëm i Konfindustrias: Rënia e çmimit të naftës ka goditur eksportet tona
• Meta ktheu ligjin për meterologjinë, Konfindustria: Ta rishqyrtojë Kuvendi, prek financat e qytetarëve