Konfirmohet pjesëmarrja e Novak Gjokoviç në turneun në Tel Aviv 

Tenisti serb Novak Gjokoviç do t’i rikthehet detyrave të tij në turne në fund të shtatorit. Lajmi është konfirmuar sot nga ekipi i tij i PR.

Fituesi i 21 titujve Grand Slam ka aplikuar për të marrë pjesë në turneun në Tel Aviv, i cili është planifikuar nga 26 shtatori deri më 2 tetor.

Turneu në qytetin më të madh të Izraelit në kalendarin ATP është për herë të parë që nga viti 1996 kur titulli u fitua nga spanjolli Javier Sanchez.

Për shkak të ndalimit të hyrjes së të huajve të pavaksinuar në SHBA, serbi nuk ka mundur të udhëtojë për në Nju Jork, ku sot filloi US Open.

Gjokoviç nuk ka marrë pjesë në turne që nga fitimi i trofeut në Wimbledon.