Kopshti ku humbi jetën 3-vjeçari në Fier mund të mbyllet, sipas zv. ministres së Arsimit

Një fëmijë tre vjeç ka humbur jetën në kopshtin privat “Flatrat e dijes” në Fier, me datë 7 janar të këtij viti.

Ky kopsht do të mbyllet ose aktiviteti i tij do të pezullohet, në bazë të përfundimeve të Prokurorisë ku ngjarja po hetohet aktualisht, sipas zv. ministres së Arsimit.

Shkaqet e vdekjes mbeten ende mister, ndërsa pritet ekspertiza mjeko-ligjore për të hedhur dritë mbi ngjarjen.

Familjarët akuzojnë personelin në kopshtin privat, personel që pavarësisht se kanë deklaruar se janë të hapur për transparencë, nuk iu përgjigjen gazetarëve të Euronews Albania.

Mirëpo në ambientet e këtij kopshti ka ende fëmijë, dhe puna vijon normalisht pavarësisht ngjarjes tragjike.

Zv. ministrja e Arsimit, Nina Guga thotë se pritet përgjigja e Prokurorisë për të parë nëse kopshti “Flatrat e dijes” do të mbyllet, apo do të pezullohet.

“Çdo vendim i bazuar mbi gjetjet e prokurorisë do të ketë ose mbyllje të kopshtit, ose pezullim të licencës”, tha zv. ministrja e Arsimit në studion e “Sot”.

LEXONI GJITHASHTU:

• EKSKLUZIVE l Kirurgu që transplantoi zemrën e derrit te njeriu tregon eksperiencën për Euronews Albania