Korça dhe Vlora më pak lindje, më pak se një fëmijë për grua

Sipas të dhënave të INSTAT, në vitin 2022, qarqet e Vlorës dhe Korçës shkalla e fertilitetit ishit më pak se një fëmijë për grua në moshë riprodhimi.

Ndërkohë, në rang kombëtar të dhënat tregtojnë se norma e fertilitetit ra në 1.21 fëmijë për grua në moshë riprodhimi, nga 1.32 që ishte më 2021. Kjo është rënia më e fortë që nga viti 2015.

Këto të dhëna tregojnë se gratë çdo vit po lindin më pak fëmijë, ndërkohë një rritje ka pësuar mosha mesatare e tyre, nga 28,6 në vitin 2018 në 29,5 në vitin 2022.

Ndërkohë Lezha, Kukësi dhe Dibra kanë shënuar rritje sa i takon lindjeve. Në qarkun e Kukësit 100 gra në moshë riprodhimi lindën mbi 215 fëmijë në vitin 2022, në Dibër lindën 197 fëmijë.

Ndërkohë, 100 gra në moshë riprodhimi në qarkun Vlorës lindën vetëm 88 fëmijë dhe në atë Korçës lindën 91 fëmijë më 2022.

Ekonomia është faktori kryesor, që ndikon në lindjen e fëmijëve, pasuar nga rritja e moshës së martesës, por dhe synime të tjera, si ndjekja e karrierës.

LEXONI GJITHASHTU:

• “Shtohen lindjet para kohe, bien fatalitetet”, 1 në 10 bebe prematurë
• Ekonomistja: 2 milion lekë në vit kostoja për 1 fëmijë, çiftet po shtyjnë lindjet