Korçë| Pësoi infarkt teksa drejtonte automjetin, shoferi përplas një makinë tjetër

Një aksident ka ndodhur paraditen e kësaj të hëne në bulevardin “Republika” në Korçë.

Ka qënë drejtuesi i mjetit tip ‘Volkswagen ” ai që ka kryer një manovër të gabuar duke kaluar nga krahu i djathtë i bulevardit në krahu e kundërt, manovër kjo që ka sjellë edhe përplasjen e mjetit që po zbriste nga katedralja në drejtim të” lendina e lotëve”

Burime të siguruara thanë se devijimi i mjetit tip “Volkswagen” nga njëri krah me tjetrin ka ardhur për shkak se drejtuesi i mjetit në ato momente ka patur probleme kardiake, megjithatë grupi i ekspertëve në vendngjarje po heton për shkaqet e këtij aksidenti ndërkohë që pritet edhe ekspertiza mjekoligjore për të përcaktuar nëse kemi patur problem të tillë shëndetesor në momentin e aksidentit

Drejtuesi u dërgua me urgjencë në spitalin e Korçës, ku bëhet me dije se është në gjendje të rëndë shëndetësore. Policia ndodhet në vendngjarje për zbardhjen e plotë të shkaqeve të aksidentit.

LEXONI GJITHASHTU:

• Masakër në Milano, 17-vjeçari vret me thikë të atin, nënën dhe vëllanë e mitur
• Grossi: Ekziston rreziku i aksidentit bërthamor në termocentralin e Kurskut në Rusi