Koreja e Jugut e gatshme për të kontribuar në përpjekjet për rihapjen e Ngushticës së Hormuzit
Koreja e Jugut ka sinjalizuar se është e gatshme të marrë pjesë në përpjekjet ndërkombëtare për të siguruar kalim të sigurt dhe të lirë përmes Ngushticës së Hormuzit. Ministria e jashtme tha se ndërprerja e qarkullimit në ngushticë po godet drejtpërdrejt furnizimin me energji dhe ekonominë e Koresë së Jugut
“Pjesëmarrja në deklaratën e përbashkët është e rëndësishme në konfirmimin e gatishmërisë sonë për të kontribuar në përpjekjet e bashkësisë ndërkombëtare për të siguruar kalim të sigurt dhe të lirë në Ngushticën e Hormuzit”, tha ministria në një deklaratë.
Mbretëria e Bashkuar, Franca, Gjermania, Italia, Holanda dhe Japonia kanë lëshuar një deklaratë të përbashkët mbi ngushticën, duke dënuar sulmet e Iranit ndaj anijeve tregtare në Gjirin Persik dhe mbylljen efektive të Ngushticës së Hormuzit. Ato shtuan se janë të gatshme të kontribuojnë në përpjekjet e duhura për të siguruar kalim të sigurt nëpër Ngushticë.
Bahreini dhe Kanadaja gjithashtu shprehën gatishmëri për t’u bashkuar me paketën. Presidenti i SHBA-së, Donald Trump u bëri thirrje aleatëve të dërgonin anije luftarake dhe minapastruese për të ndihmuar në sigurimin e Ngushticës së Hormuzit, në një përpjekje për të qetësuar tregjet globale të naftës, por askush nuk ka marrë ende angazhime të forta.
Më vonë ai sulmoi ashpër aleatët e NATO-s për mosndihmën e SHBA-së dhe i quajti ata “frikacakë” që nuk ndihmuan në sigurimin e ngushticës.
Tajani: Është SHBA-ja ajo që “duhet ta ndalojë Izraelin” për paqen në LM
SHBA tërheq trupat nga Lituania
Irani shënjestron anijen amerikane në Gjirin e Omanit! Araghchi: Nëse Izraeli sulmon Bejrutin, rifillon lufta
- 23:16 Mot i keq në Shkodër, autoritetet apel qytetarëve: Shmangni zonat me risk
- 23:07 “Opozitë e krimit”! Protestuesit nga selia e PS-së shkojnë para selisë së PD-së
- 22:35 Tajani: Është SHBA-ja ajo që “duhet ta ndalojë Izraelin” për paqen në LM
- 22:33 SHBA tërheq trupat nga Lituania
- 22:28 Qytetarët bllokojnë rrugën pranë selisë së PS-së, thirrje të rinjve: Ngrihuni nga kafet
- 22:27 Irani shënjestron anijen amerikane në Gjirin e Omanit! Araghchi: Nëse Izraeli sulmon Bejrutin, rifillon lufta