Koreja Veriore lëshon raketa balistike pas akuzave për armatim të grupit rus

Koreja Veriore ka lëshuar dy raketa balistike të gamës së shkurtër, thonë zyrtarët koreanojugorë.

Mediat e huaja bëjnë me dije se ngjarja ndodhi pak orë pasi Uashingtoni akuzoi Penjanin për armatimin e grupit militar rus ‘Wagner”.

Penjani testoi gjithashtu atë që e përshkroi si motor të ri raketor dhe deklaroi gjatë javës se ka zhvilluar mundësi të reja për të marrë pamje nga hapësira, raporton France24.

“Ushtria jonë vëreu dy raketa balistike të gamës së shkurtër, të lëshuara nga Koreja Veriore në Detin Lindor nga zona Sunan e Penjanit. Ushtria jonë gjendet në gatishmëri të plotë përderisa bashkëpunojmë me Amerikën për fuqizimin e vigjilencës dhe survejimit”, thonë zyrtarët ushtarakë të Seulit.

Shtetet e Bashkuara dhe Koreja Jugore kanë paralajmëruar për muaj të tërë se Penjani po përgatitet për të bërë testin e saj të shtatë bërthamor.

LEXONI GJITHASHTU: 

• Gjiknuri zbulon se si PS do të zgjedhë kandidatët për zgjedhjet lokale
• Gjiknuri: Avokati i Popullit duhet të jetë një figurë konsensuale dhe jo politike
• Analisti Daci: Greqia përdor minoritetin për pretendime territoriale ndaj Shqipërisë