Kos: Raporti për Gjeorgjinë është më i keqi ndonjëherë

“Raporti për Gjeorgjinë është raporti më i keq i zgjerimit që është publikuar ndonjëherë për ndonjë vend kandidat,” tha Komisionerja e BE-së, Marta Kos, duke pohuar se qeveria e Tbilisit “nuk po ndjek interesat e vetë qytetarëve të saj.”

Sipas saj, për Komisionin Evropian, Gjeorgjia tani është vetëm formalisht një vend kandidat.

“E vetmja mundësi është që qeveria të rishikojë shumë ligje që janë kundër vlerave evropiane, të ndalojë burgosjen e gazetarëve dhe kundërshtarëve politikë, si dhe shtypjen e përfaqësuesve të shoqërisë civile,” tha Kos, duke shtuar se Komisioni do të bëjë çmos për të mbështetur median dhe organizatat civile gjeorgjiane.

Kos ka folur këtë të martë në samitin e organizuar nga Euronews.