Kosova bashkon maxhorancën me opozitën, bien dakord për rezolutë të përbashkët

Është mbajtur sot mbledhja e konferencës së kryetarëve, ku Gazment Bardhi ka kërkuar që të zhvillohet urgjentisht një seancë e posaçme për Kosovën. Në mbledhjen ku u diskutuan dy projektrezolutat,  ajo e PS dhe ajo e PD u vendos mes debateve që seanca e posaçme të mbahet në 12 tetor.

Kryetari i Grupit parlamentar të Partisë Demokratike tha nga na e tij se kjo seancë duhet të bëhet sa më shpejtë:

“Është urgjente që të zhvillojmë mocionin me debat. Nuk mundet ne të jemi të fundit. PE e ka zhvilluar”, tha Bardhi.

Ndërkohë, PS ka propozuar që rezoluta dhe mocioni me debat të mos jenë urgjente.

“Nuk mund të nxitojmë. Çdo rezolutë duhet të mbajë ndër mend pozicionin e Shqipërisë që ka në NATO dhe në çdo organizëm. Data mund të rishikohet që të jetë më shpejt, ndoshta të enjten e seancës. Por të hënën nuk mund ta bëjmë dot”, tha Bledi Çuçi.

Nga ana tjetër kryeparlamentarja Lindita Nikolla propozoi që seanca të mbahej më datë 19 tetor, por pas shumë diskutimeve, data 12 tetor u vendos si më e përshtatshme nga të dyja palët.

LEXONI GJITHASHTU:

• Çështja e “Sterilizimit”/ Apeli i Posaçëm tërhiqet për vendim
• Ndërron jetë mjeku i njohur, kardiologu personal i Enver Hoxhës