Kosova kthen në muze burgun e përndjekjes së intelektualëve (Fotogaleri)

Burgu i Prishtinës, një objekt famëkeq ku u burgosën të dënuarit politikë gjatë periudhës së ish-Jugosllavisë po kthehet në një hapësirë muzeale që do të kujtojë torturat që ndodhën aty.

Çelja për vizitorët e ish-burgut tanimë me emrin “Streha e kujtimeve të burgut të përndjekjes” përkoi me 21-vjetorin e çlirimit të Kosovës.

Zyrtarët e cilësuan atë një simbol të rezistencës së popullit të Kosovës për liri gjatë regjimit serb.

I ndërtuar rreth viteve ’40,  burgu muze do të jetë një homazh për ish të burgosurit intelektualë si Adem Demaçi, Fazli Grajçevci, Osman Dumoshi, Hyrije Hana, Ukshin Hoti, Rexhep Mala, Besnik Restelica, Hydajet Hyseni, Ali Lajçi, Selatin Novosella, Meriman Braha e shumë të tjerë.