Kosova mban gjallë shpresat për “Botërorin”, barazon me Slloveninë në “Fadil Vokrri”

Kosova ka mbajtur gjallë shpresat për kualifikim në Kupën e Botës 2026, pas një barazimi pa gola ndaj Sllovenisë, të premten në stadiumin “Fadil Vokrri” në Prishtinë.

Përballja e vlefshme për xhiron e tretë të fazës kualifikuese u mbyll 0-0, në një sfidë ku “Dardanët” patën vështirësi përballë lojtarëve sllovenë, veçanërisht sulmuesit Sheshko, i cili krijoi disa rreziqe për portën e Muriç.

Megjithatë, pritjet vendimtare të portierit dhe pasaktësitë në finalizim bënë që rrjetat të mbeteshin të paprekura.

Me këtë barazim, Kosova mban vendin e dytë në Grupin B me 4 pikë. Zvicra kryeson grupin me 9 pikë, ndërsa Sllovenia ngjitet në vendin e tretë me 2 pikë.

Suedia mbetet në fund të renditjes me vetëm një pikë.

LEXONI GJITHASHTU:

• Barazim 0:0 në pjesën e parë mes Kosovës dhe Sllovenisë
• Kosova merr mijëra dronë kamikazë nga Turqia, reagon Vuçiç