Kremlini konfirmon takimin, Putin dhe Erdogan pritet të takohen në Turqi

Presidenti rus Vladimir Putin pritet të shkojë në Turqi pas ftesës së dërguar nga homologu i tij Erdogan. Lajmi u bë  me dije nga këshilltari i shefit të Kremlinit i cili theksoi se presidenti ka pranuar ftesën.

Detajet nga planet për udhëtimin nuk janë bërë me dije dhe ende nuk ka një datë fikse për takimin mes dy liderëve.

Turqia ka qenë ndër vendet e pakta që ka mbajtur marrëdhënie me Rusinë dhe Ukrainën që nga nisja e luftës. Ndërsa ka kritikuar ofensivën e Rusisë, Ankaraja po përpiqet të balancojë lidhjet e saj të ngushta dhe e ka pozicionuar veten si një palë neutrale që përpiqet të ndërmjetësojë midis palëve ndërluftuese. Për më tepër, Turqia ka hezituar të marrë pjesë në sanksionet kundër Rusisë.

Gjykata Ndërkombëtare Penale ka lëshuar ndërkohë një urdhër arresti për Putin për luftën në Ukrainë.

Ndaj Pjesëmarrja e liderit rus në samitin vjetor të Brazilit, Rusisë, Indisë, Kinës dhe Afrikës së Jugut në Johannesburg, këtë verë konsiderohet e pamundur. Afrika e Jugut ka njohur juridiksionin e Gjykatës Ndërkombëtare  dhe do të detyrohej të arrestonte Putinin pas mbërritjes.

LEXO GJITHASHTU:

• “Nuk luftoi korrupsionin”- Presidenti bullgar shkarkon kryeprokurorin e vendit
• Britania kërkon lirimin e menjëhershëm të tre pjesëtarëve të policisë së Kosovës