Kremlini: Presim përgjigje nga SHBA-të pas bisedimeve të Moskës për Ukrainën

Kremlini ka deklaruar se Moska po pret një përgjigje nga Uashingtoni pas bisedimeve midis Presidentit rus Vladimir Putin  dhe të dërguarve të SHBA-së në fillim të kësaj jave në kryeqytetin rus.

“Tani po presim reagimin e kolegëve tanë amerikanë ndaj bisedimeve që patëm të martën”, tha këshilltari i Kremlinit Yuri Ushakov.

Ushakov shtoi se nuk është planifikuar asnjë bisedë telefonike midis Putinit dhe presidentit të SHBA-së Donald Trump  dhe se nuk është caktuar asnjë datë për një takim të ri me të dërguarin e SHBA-së Steve Witkoff .

Dhëndri i Presidentit Donald Trump, Jared Kushner udhëtoi me Witkoff në Moskë për të vazhduar bisedimet mbi planin amerikan që synon t’i japë fund luftës në Ukrainë. Ata u takuab me presidentin rus Vladimir Putin.

Vizita e tyre në Rusi u zhvillua pas negociatave të dielën në Florida, midis delegacioneve amerikane dhe ukrainase, të cilat u përshkruan si produktive nga Sekretari i Shtetit i SHBA-së, Marco Rubio. Rubio tha pas atij takimi se ishte bërë përparim drejt përfundimit të luftës midis Rusisë dhe Ukrainës, por kishte ende punë për t’u bërë.

LEXONI GJITHASHTU:

• Frika nga sulmet amerikane, Maduro shton masat për sigurisë e tij personale
• Stuhia Bajron godet Greqinë, shtëpi të përmbytura dhe njerëz të bllokuar