Kremtimi i Pashkës në Korçë, organizohet panairi i punimeve të baltës

Çdo vit para kremtimit të Pashkës, në sheshin e katedrales “Ringjallja e Krishtit” në Korçë organizohet panairi i poçerisë.

Punues të baltës paraqesin punimet e tyre në këtë panair, ndërsa qytetarët vijojnë të mbajnë traditën e blerjes së baltës një ditë para të shtunës së madhe, si për të kujtuar se nga balta kemi ardhur e në baltë do të kthehemi.

“Që kur jam përmendur, që më tregonin pleqtë, e mbaj këtë traditë. Traditën e tyre e vijojmë. Duam të marrim një poçe balte ta kemi në shtëpi për çdo vit. Është baltë e Zotit, nga balta kemi ardhur, në baltë do kthehemi”, tha një zonjë.

“Është e premte e zezë sot. Është traditë që blejmë baltë”, tha një punuese e baltës.

“Një tas dhe bojë , është traditë. Duhet blerë diçka prej balte të premten e zezë”, shtoi një banor e Korçës.

Një tjetër qytetare i bashkohet kësaj tradite duke thënë se: Baltë blemë, vazo, finxhane. Traditë e vjetër kjo”.

Një nga problemet që ngrihet herë pas here në këtë panair është se vit pas viti balta po zëvendësohet me porcelanin, për shkak edhe të humbjes së profesionit të poçarit.

LEXONI GJITHASHTU:

• Bashkitë në vend rrisin peshën e shpenzimeve për personelin, por ulin investimet
• Zetori del nga rruga dhe bie në lumë, plagoset 48-vjeçari