Kreu i CIA-s takohet në Karakas me presidenten e përkohshme të Venezuelës

Drejtori i CIA-s, John Ratcliffe, u takua të enjten në Karakas me presidenten e përkohshme të Venezuelës, Delcy Rodriguez, duke përforcuar mesazhin e administratës Trump se e sheh qeverinë e përkohshme si rrugën më të mirë drejt stabilitetit në vend në afat të shkurtër. 

Sipas CNN, gjatë takimit, Ratcliffe diskutoi me Rodriguezin fushat e mundshme të bashkëpunimit ekonomik, duke vënë gjithashtu në dukje se Venezuela nuk mund të shërbejë më si strehë për kundërshtarët e Shteteve të Bashkuara, me referencë të veçantë për rrjetet e trafikimit të drogës. 

Sipas një zyrtari amerikan, kontakti kishte për qëllim ndërtimin e besimit dhe pasqyron dëshirën e Ratcliffe që CIA të veprojë me më pak kujdes.

Takimi vjen në një kohë kur Trump duket se po shtrëngon kontrollin e Uashingtonit mbi Venezuelën, veçanërisht mbi prodhimin e naftës. Trump ka thënë se Shtetet e Bashkuara do ta “drejtojnë në thelb” vendin pas arrestimit të Nicolas Maduros në fillim të këtij muaji.