Kreu i Dumës ruse paralajmëron hakmarrje bërthamore në Ukrainë

Kreu i Dumës shtetërore ruse, Vyacheslav Volodin deklaroi se premtimi nga Perëndimi që t’i ofrojë armë shtesë Kievit mund të çojnë në një nivel të ri luftën në Ukrainë, që mund të rezultojë në një katastrofë globale.

Volodin paralajmëroi se mbështetja e Shteteve të Bashkuara dhe NATO-s për Ukrainën po e çon botën në një luftë të tmerrshme, shkruan Reuters.

“Nëse Uashingtoni dhe shtetet e NATO-s furnizojnë me armë, që mund të përdoren për të goditur qytetet civile dhe për përpjekjet për të marrë nën kontroll territoret tona, kjo do të çojë në ndërmarrjen e masës hakmarrëse, duke përdorur armët më të fuqishme”, shkroi ai në rrjetin social, Telegram.

Deklaratat vijnë pasi javën e kaluar, aleatët perëndimorë u mblodhën në Gjermani për të koordinuar ndihmën ushtarake shtesë për Ukrainën.

Volodin tha se Uashingtoni dhe Brukseli e kanë përgjegjësinë që të mos e përshkallëzojnë luftën në Ukrainë.

LEXONI GJITHASHTU

• “Nuk do ta shoh vitin 2024”- Ish-anëtari i Dumës ruse paralajmëron vrasjen e Putinit
• Tre skenarët që mund të sjellin fundin e mënjëhershëm të luftës në Ukrainë
• Zelensky i druhet një sulmi nga Bjellorusia, ushtria gati në kufi