Zgjedhjet në Shqipëri, gazetari Ardit Hoxha raporton nga Komisioni Qendror i Zgjedhjeve

Gazetari, Ardit Hoxha raportoi për Euronews Albania nga Komisioni Qendror i Zgjedhjeve, mëngjesin e 25 prillit.

Ai tha se të gjitha materialet zgjedhore janë shpërndarë nëpër qendrat e votimit.

Gazetari i Euronews Albania u shpreh se gjithë territori i Shqipërisë është i ndarë në 92 KZAZ ku do të votojnë 3 milionë e 588 mijë e 869 shqiptarë.

“Në këto 92 KZAZ do të bëhet për herë të parë identifikimi elektronik i votuesve përpara se të shkojnë në dhomën e fshehtë për të dhënë verdiktin e tyre,” – u shpreh Ardit Hoxha.

Ndërkaq në KZAZ-në numër 40, në njësinë 10 do të bëhet për herë të parë, pilotimi i procesit të votimit dhe numërimit elektronik.

Mbetet për të parë, siç tha dhe gazetari nëse këto pajisje elektronike do të vihen në punë njëkohësisht që në momentin e parë kur do të fillojë zyrtarisht procesi i votimit.

LEXONI GJITHASHTU:

• Kush voton sot, 3.58 milionë shqiptarë me të drejtë vote, 107 mijë për herë të parë