Sekretari i Përgjithshëm i Kombeve të Bashkuara Antonio Guterres takohet sot në Moskë me presidentin rus Vladimir Putin.
Zëdhënësja e Guterres tha se qëllimi është të diskutohet “çfarë mund të bëhet urgjentisht për të vendosur paqen në Ukrainë”.
Shumë analistë besojnë se bisedimet në Moskë do të jenë mjaft të vështira dhe thonë se ka pak shpresë për ndonjë rezultat.
Të enjten Antonio Guterres do të takohet edhe me presidentin e Ukrainës, Zelenskin në Kiev. Ky i fundit ka kritikuar vendimin e tij për të vizituar fillimisht Moskën.
OKB ka njoftuar së fundmi se mbi 5 mln ukrainas janë larguar nga vendi që prej fillimit të luftës, më 24 shkurt.
3.4 milionë ukrainas u larguan nga vendi vetëm në muajin mars. Gratë dhe fëmijët përbëjnë 90% të atyre që kanë ikur jashtë vendit, ndërsa burrat e moshës 18 deri në 60 vjeç shkojnë për mbrojtje ushtarake dhe nuk mund të largohen nga vendi.
LEXONI GJITHASHTU:
- OKB: 45 mijë ukrainas u larguan nga vendi në 24 orët e fundit
- Polonia dërgon tanke në Ukrainë
- Mbretëria e Bashkuar: Qyteti i Kreminës nën kontroll nga forcat ruse
