Weber: Hitleri duhet të shërbejë si paralajmërim për konservatorët e sotëm

Kreu i Partisë Popullore Evropiane (PPE), Manfred Weber, tha sot se e kaluara naziste e Gjermanisë duhet të jetë një paralajmërim për konservatorët e Evropës, ndërsa ata përballen me çështjen se sa duhet të mbështeten në mbështetjen e ekstremit të djathtë për të zbatuar politikat e tyre.

Në një intervistë me gazetën “Politico” me seli në Bruksel, Weber theksoi se PPE-ja ka një mandat të gjerë për të zbatuar programe të krahut të djathtë, por se duhet të shmangë gabimet e viteve 1930, kur konservatorët gjermanë lejuan që ish-kancelari Adolf Hitler të vinte në pushtet.

“Gabimi historik ishte t’u lejohej politikanëve të krahut të djathtë ekstrem të kishin pushtetin ekzekutiv dhe kjo është një vijë e kuqe për ne”, tha Weber, duke theksuar “rëndësinë e të mësuarit nga gabimet e së kaluarës”.

Edhe pse PPE nuk negocion në mënyrë aktive me të djathtën ekstreme, partia shpesh varet nga votat e tyre në Parlamentin Europian, veçanërisht për çështjet e migracionit, shton Politiko.

Do të doja të shihja një situatë të ndryshme në Parlamentin Europian. Por ata janë aty, kanë një zë… dhe PPE-ja ka një parim, i cili është të ndjekë premtimet tona”, tha Weber.

Weber deklaroi se qëllimi i PPE-së është t’u përgjigjet problemeve të qytetarëve, gjë që është gjithashtu një mënyrë për të parandaluar rritjen e partive ekstreme.

LEXONI GJITHASHTU:

• Dënimi i Le Pen, e djathta ekstreme franceze bën thirrje për protesta mbarëkombëtare
• E djathta daneze djeg Kuranin para ambasadës turke: Për njeriun që e pagoi me jetë