Krimet e luftës në Ukrainë, drejtësia ndërkombëtare, e mirëpritur por e penguar

Që kur Rusia pushtoi Ukrainën 6 muaj më parë, rreth 29 mijë krime lufte janë regjistruar nga autoritetet ukrainase.

Gjykata Ndërkombëtare Penale po heton krimet e dyshuara me ndihmën e OJQ-ve të shumta. Por për momentin i takon atë Andrij në Buça të varrosë trupat e qindra civilëve të gjetur në varre masive.

“419 persona u vranë nga bombardimet. Ata vdiqën nga dhuna nga jo nga plakja. Ka shumë varre masive. Më i madhi ishte pranë kishës. Ai përmbante 116 persona, përfshirë 30 gra dhe dy fëmijë. Por nuk ishte varri i vetëm masiv”, thotë Atë Andriy.

Edhe pse sot mbështetja në rritje për drejtësinë ndërkombëtare është e mirëpritur, ajo që bie në sy është se shumë shtete jashtë Evropës dhe Amerikës së Veriut nuk i kanë dënuar veprimet e Rusisë e jo më të mbështesin procedimin e ushtarëve të saj.

Një tregues ky i mbështetjes së pabarabartë që kanë pasur shumë përpjekje të mëdha ndërkombëtare për drejtësinë gjatë dekadave të fundit.

Pushtimi rus i Ukrainës është një ngjarje që kërkon veprime të gjithanshme gjyqësore dhe politike.

LEXONI GJITHASHTU:

• Drejtësi për krimet në Ukrainë, Gjykata Ndërkombëtare nis mbledhjen e provave
• Gati ekipi që do të ndjekë penalisht krimet e luftës në Ukrainë