Kritika për Eurovizionin edhe nga Komisioni Europian: Dhuratë për armiqtë e Europës

Nënkryetari i Komisionit Evropian Margaritis Sinas kritikoi vendimin e Unionit Evropian të Transmetuesve (ERU) për të ndaluar flamujt e BE-së gjatë Festivalit të Këngës në Eurovizion, duke thënë se një veprim i tillë ishte një dhuratë për “armiqtë e Evropës”.

“Ajo që ka bërë ERU është e pabesueshme”, tha Schinas për Politico.

Ai vlerësoi se vendimi i ERU-së që për herë të parë të ndalojë shfaqjen e flamujve të ndryshëm nga flamujt e vendeve pjesëmarrëse në Eurovizion nuk është marrë në kohën e duhur, duke marrë parasysh mbajtjen e zgjedhjeve evropiane muajin e ardhshëm, si dhe fakti se një lëvizje e tillë erdhi në një kohë kur mijëra demonstrues po protestojnë kundër ligjit për të ashtuquajturit “agjentë të huaj” në rrugët e kryeqytetit të Gjeorgjisë, Tbilisi, si shenjë, siç tha ai, të mbështetjes për vlerat demokratike që përfaqëson BE.

Sinas shtoi se ai nuk mund të gjente një shpjegim logjik se pse ERU po e bën këtë dhe për çfarë shërben.

“Më pak se një muaj nga zgjedhjet evropiane, kush fiton duke ndaluar flamurin e BE-së në Eurovizion? Vetëm euroskeptikët dhe armiqtë e Evropës”, ​​tha Sinas.

Ai shtoi se për këtë çështje do të bisedojë me drejtuesit e ERU-së.

Një zëdhënës i Presidentes së Komisionit Evropian Ursula von der Leyen kritikoi gjithashtu vendimin e ERU-së.

“Sigurisht që është për të ardhur keq ndalimi i flamurit i cili është flamuri i të gjithë anëtarëve të BE-së dhe anëtarëve të tjerë të Këshillit të Evropës që marrin pjesë në konkurs dhe që shpesh valohet pranë flamujve kombëtarë në ndërtesat publike”, tha ai.

Nga ana tjetër, një zëdhënës i ERU tha se politika e flamurit të Eurovizionit këtë vit ishte e njëjtë si në vitin 2023 dhe se fansat u lejuan të mbanin vetëm flamuj të vendeve pjesëmarrëse dhe flamuj ylber (flamuj LGBT).

LEXONI GJITHASHTU:

• Fituesi i Eurovizionit 2024: Nemo merr kurorën për Zvicrën
• 1.8 mld euro për transformimin e ushtrisë shqiptare, fuqia e saj në Ballkan