Kritikoi Kremlinin, prokurorët kërkojnë 25 vite burg për gazetarin rus

Prokurorët kanë kërkuar dënim me 25 vjet burg për kritikun e Kremlinit, Vladimir Kara-Murza, tha avokatja e tij.

Avokatja Maria Eismont, u tha gazetarëve se kërkesa e prokurorit për dënimin 25-vjeçar erdhi në një seancë të mbyllur më 6 prill. Ajo shtoi se klienti i saj ka humbur 17 kilogramë gjatë qëndrimit në burg.

Ajo tha çështja kundër aktivistit të opozitës ruse për disa akuza, përfshirë tradhtinë, po vazhdon me shpejtësi. Kara-Murza u arrestua në prill të vitit të kaluar, pasi u kthye në Rusi.

Vladimir Kara-Murza, ish-aleat politik i liderit të ndjerë opozitar rus, Boris Nemstov, humbi vetëdijen dhe u dërgua në spitalin e Moskës, më pas gruaja e tij tha se ai u dërgua në spital me “simptoma të helmimit”.

Rusia ka mohuar përfshirjen në këtë ngjarje, duke përmendur mungesën e fakteve.

Kara-Murza beson se të dyja incidentet kanë qenë hakmarrje për aktivizmin e tij politik, duke përfshirë lobimin e tij për Aktin amerikan Magnitsky.

Ky ligj i vitit 2012, parasheh vendosjen e sanksioneve ndaj rusëve për të cilët beson se abuzojnë me të drejta të njeriut. Ky ligj në atë kohë “zemëroi” Kremlinin.

LEXONI GJITHASHTU:

• Stuhi akulli në Kanada: Dy të vdekur, më shumë se një milion njerëz pa energji
• Dashuri e pazakontë! Manjol Prillo: Ja pse e mbaj merimangën tarantula në shtëpi
• Transportonin 13 emigrantë të paligjshëm, në pranga dy persona në Tiranë