Kroacia u mbush me mbeturina, autoritetet: Etiketat tregojnë se janë nga Shqipëria

Rrymat e forta në detin Adriatik kanë nxjerrë një sasi të madhe mbeturinash në bregdetin e Dubrovnikut në Kroaci. Dy nga vendet turistike më të njohura të qytetit, Plazhi i Banjës dhe Qyteti i Vjetër, u mbushën javën e kaluar nga një sasi e madhe mbeturinash.

Autoriteteve iu deshën 2-3 ditë për të pastruar shpejt vijën bregdetare nga plastika, metalet dhe mbetjet mjekësore. Sipas autoriteteve lokale të cilat organizuan fushatën e pastrimit shumica e mbeturinave janë nga Shqipëria, bazuar në etiketat dhe materialet e gjetura.

Meqenëse Adriatiku është një det i mbyllur, rrymat e tij të parashikueshme ndihmojnë në përcaktimin e rrugës së mbeturinave. Kroacia thotë se është në dialog të vazhdueshëm me Shqipërinë. Ministria e Jashtme kroate mësohet se ka ofruar ndihmë financiare për menaxhimin e mbeturinave në vend.

LEXONI GJITHASHTU:

• Nis protesta e opozitës, Berisha mbërrin para Kryeministrisë
• Fermerët përshkallëzojnë protestat, qindra traktorë në rrugë