Krösche nuk shkon te AC Milan, drejtori i Frankfurtit mbetet në Gjermani

Markus Krösche nuk do të jetë drejtori teknik i ardhshëm i AC Milan. I njohur si “mbreti i fitimeve kapitale”, ai ka një kontratë të vlefshme me Eintracht Frankfurt deri në vitin 2028 dhe ka bërë të qartë se do ta respektojë atë deri në fund.

Për ta liruar nga kontrata, klubi italian do të duhej të paguante një kompensim prej rreth 10 milionë eurosh. Megjithatë, deri më tani nuk është arritur asnjë marrëveshje mes palëve, ndërsa klubi gjerman ka mohuar gjithashtu çdo kontakt të drejtpërdrejtë me Milanin.

Sipas raportimeve, Krösche do të vijojë punën e tij në Bundesligë, duke i dhënë fund spekulimeve për një kalim të mundshëm në Serie A.

Kush është në garë tani?

Pas tërheqjes së Krösche, vëmendja është zhvendosur te 31-vjeçari Devin Özek, gjithashtu gjerman. Ai ishte një figurë kyçe te Bayer Leverkusen në sezonin historik 2023–24, kur skuadra fitoi kampionatin dhe Kupën e Gjermanisë, duke humbur vetëm finalen e Europa League ndaj Atalantës.

Sezonin e kaluar, Özek shërbeu si drejtor sportiv i Fenerbahçes në Turqi, ku u largua në fund të majit pas fitimit të Superkupës dhe përfundimit në vendin e dytë në kampionat.