Kryebashkiaku demokrat i Fushë-Arrëzit letër Ramës: Gati të strehojmë emigrantë

Kryebashkiaku i Fushë-Arrëzit Hil Curri, i zgjedhur nga koalicioni “Bashkë Fitojmë”, i ka dërguar letër kryeministrit Edi Rama dhe ambasadorit të BE-së, Luixhi Soreca, ku shkruhet se është i gatshëm të strehojë emigrantët afrikanë që do të kthehen nga Italia, në territorin e bashkisë që drejton.

Në letrën e tij, thuhet se ai do të punojë dhe kujdeset që të ofrojë një mjedis mbështetës për këta individë, si dhe të bëjë menaxhimin e duhur të situatës.

Kujtojmë se pakti i kryeministrit Edi Rama me homologen Giorgia Meloni është kundërshtuar fortë nga opozita në të dy vendet.

Sipas këtij pakti, emigrantët e kthyer nga Italia do të vendosen në Shqipëri deri në një moment të dytë, kur të përfundojnë procedurat e azilit për ta në vendin fqinj dhe të vendoset nëse do të qëndrojnë atje, apo do të kthehen në atdhe.

LEXONI GJITHASHTU:

• Marrëveshja për emigrantët, Balla: Shenjë solidariteti kundrejt Italisë
• Marrëveshja për emigrantët, protestë në Lezhë. Ish-prefekti: Sjell telashe