Kryeministi i Finlandës zbulon arsyet pse mbylli kufijtë me Rusinë

Finlanda ka njoftuar se do të mbajë hapur vetëm një kalim kufitar me Rusinë dhe do të mbyllë gjithë të tjerët, pas rritjes së fluksit të emigrantëve, për të cilin Helsinki fajëson Moskën se i dërgon qëllimisht në kufijtë e tij.

Më herët qeveria finlandeze mbylli 4 pika kufitare në lindje të vendit, por ka bërë fare pak në kufizimin e mbërritjes së qindra emigrantëve.

“Autoritetet ruse nuk kanë ndërhyrë, përkundrazi. Ka të dhëna se ato po ndihmojnë në hyrjen e emigrantëve në vendin tonë, gjë që përbën ndërhyrje në çështjet e brendshme të Finlandës dhe cënim të sigurisë kufitare të BE-së”, tha Petteri Orpo, kryeministër i Finlandës.

Më herët, guvernatori i rajonit rus të Murmanskut publikoi një video që tregonte emigrantë nga Afrika dhe Lindja e Mesme të mbledhur në kufirin finlandez.

Që nga fillimi i muajit, mbi 600 persona pa dokumente të vlefshme mbërritën në kufirin finlandez përmes Rusisë, me qëllim hyrjen në BE.

Helsinki zyrtar akuzon Moskën se po kthen në armë refugjatët, si hakmarrje për aderimin e vendit në NATO; akuza këto që hidhen poshtë nga Kremlini.

LEXONI GJITHASHTU:

• BE dënon Rusinë për nxitje të emigrantëve drejt kufirit me Finlandën
• Rusia synon të dërgojë në luftë 500 banorë në javë nga një rajon siberian