Kryeministrat e Polonisë, Çekisë dhe Sllovenisë takim në Kiev me Zelensky

Liderët nga tre vende evropiane do të udhëtojnë në Kiev për t’u takuar me presidentin ukrainas Volodymyr Zelensky dhe kryeministrin ukrainas Denis Shmyhal të martën, sipas qeverisë polake.

Në një deklaratë të martën, zyra e kryeministrit polak tha se kryeministri Mateusz Morawiecki, zëvendëskryeministri Jarosław Kaczyński, kryeministri çek Petr Fiala dhe kryeministri slloven Janez Jansha do të vizitojnë kryeqytetin ukrainas si përfaqësues të Këshillit Evropian.

“Vizita është organizuar në konsultim me Presidentin e Këshillit Evropian Charles Michel dhe Presidenten e Komisionit Evropian Ursula von der Leyen. Qëllimi i vizitës është të konfirmojë mbështetjen e qartë të të gjithë Bashkimit Evropian për sovranitetin dhe pavarësinë e Ukrainës. Qëllimi i kësaj vizite është gjithashtu të paraqesë një paketë të gjerë mbështetjeje për Ukrainën dhe ukrainasit”, thuhet në dekaratë.

LEXONI GJITHASHTU:

• BE-ja vendos sanksione ndaj 600 shtetasve të tjerë rusë