Kryeministri i ardhshëm i Grenlandës kundër kërkesës së Trump për të marrë ishullin

Kryeministri i mundshëm i Grenlandës, Jens-Frederik Nielsen, ka hedhur poshtë kërkesën e presidentit amerikan Donald Trump për të marrë kontrollin e ishullit, duke theksuar se qytetarët duhet të vendosin për të ardhmen e tyre ndërsa lëvizin drejt pavarësisë nga Danimarka.

Nielsen, pas fitores në zgjedhje të Partisë së tij Demokratike, e cila favorizon një rrugë graduale drejt pavarësisë, tha se qytetarët duan të jenë të pavarur dhe “të ndërtojnë shtetin e tyre”, raportoi AP.

“Ne nuk duam të jemi amerikanë. Jo, ne nuk duam të jemi danezë. Ne duam të jemi qytetarë të Grenlandës dhe duam pavarësinë tonë në të ardhmen”, tha Nielsen për Sky News.

Ai shtoi se qytetarët do të vazhdojnë të punojnë në rrugën e tyre drejt pavarësisë, pavarësisht presioneve të jashtme, përfshirë përpjekjet e Trump.

Grenlanda ka kohë që po shkon drejt pavarësisë dhe katër nga pesë partitë kryesore politike e mbështesin këtë qëllim.

Partia Demokratike e Grenlandës arriti sukses të madh në zgjedhjet parlamentare, duke fituar 10 mandate.

LEXONI GJITHASHTU:

• Partia Demokratike e qendrës së djathtë del në krye në zgjedhjet në Groenlandë
• Trump para Kongresit: Në një mënyrë apo në një tjetër, do ta marrim Grenlandën