Kryeministri i Finlandës: Rusia po përgatitet për konflikt të gjatë me Perëndimin

13 Mars 2024 | 19:33

Kryeministri i Finlandës, Petteri Orpo, tha se Rusia po përgatitet për “një konflikt të gjatë me Perëndimin”.

Ai kërkoi që të ketë më shumë shpenzime dhe koordinim për mbrojtjen evropiane.

Presidenti rus, Vladimir Putin, tha në një deklaratë të publikuar të mërkurën se hyrja e Finlandës dhe Suedisë në NATO ishte “një hap i pakuptimtë” dhe se Rusia do të vendosë trupa dhe sisteme të shkatërrimit në kufirin finlandez, pasi Finlanda t’i bashkohet aleancës.

Orpo i tha Parlamentit Evropain se “Rusia po përgatitet për një konflikt të gjatë me Perëndimin dhe përfaqëson një kërcënim ushtarak të përhershëm dhe thelbësor për Evropën”, shkruan REL.

“Nëse ne, si një Evropë e bashkuar, dështojmë t’i përgjigjemi mjaftueshëm kësaj sfide, vitet e ardhshme do të jenë të mbushura me rrezik dhe kërcënim të një sulmi”.

Orpo, shteti i të cilit gjendet në kufi me Rusinë, u bëri thirrje 27 shteteve anëtare të Bashkimit Evropian që të rrisin shpenzimet e tyre për mbrojtje dhe tha se blloku evropian duhet të kujdeset për mbrojtjen e vet.

“Rusia nuk është e pamposhtur”, shtoi ai.

Gjatë deklarimit të tij, Putin po ashtu paralajmëroi Perëndimin se Rusia teknikisht është gati për një luftë bërthamore dhe nëse dërgohen trupa perëndimore në Ukrainë, do të shihej si përshkallëzim i madh i konfliktit.

Pushtimi i paprovokuar rus i Ukrainës tashmë ka hyrë në vitin e tretë dhe NATO-ja ka mohuar se synon që të dërgojë trupa në mbështetje të Kievit.

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Tajani: Është SHBA-ja ajo që “duhet ta ndalojë Izraelin” për paqen në LM

Ministri i Jashtëm i Italisë Antonio Tajani tha të martën se Shtetet e Bashkuara janë vendi i pozicionuar më së miri për të ushtruar presion...
22:35 | 03/06/2026

SHBA tërheq trupat nga Lituania

Shtetet e Bashkuara kanë nisur tërheqjen e më shumë se 1 mijë ushtarëve amerikanë dhe pajisjeve ushtarake nga Lituania pas përfundimit të një periudhe dislokimi...
22:33 | 03/06/2026

Irani shënjestron anijen amerikane në Gjirin e Omanit! Araghchi: Nëse Izraeli sulmon Bejrutin, rifillon lufta

Irani thotë se marina e saj shënjestroi një anije detare amerikane që strehonte një “qendër komande dhe kontrolli” ndërsa ajo po i afrohej ujërave territoriale...
22:27 | 03/06/2026