Kryeministri i Malit të Zi kërkon shkarkimin e Dritan Abazoviç

Kryeministri i Malit të Zi, Zdravko Krivokapiç ka kërkuar zyrtarisht shkarkimin e zv.kryeministrit, Dritan Abazoviç.

“Kam dorëzuar në Kuvendin e Malit të Zi iniciativën për shkarkimin e Dritan Abazoviçit dhe propozova Ministrin e Financave, Milojko Spajiç për zv.kryeministër të ri”, shprehet Krivokapiç në Twitter.

Sipas kërkesës së kreut të qeverisë së Malit të Zi, Parlamenti do të mblidhet në një seancë të jashtëzakonshme më 3 shkurt.

Danas sam Skupštini Crne Gore podnio inicijativu za smjenu Dritana Abazovića, i predložio ministra finansija i socijalnog staranja Milojka Spajića za novog potpredsjednika Vlade Crne Gore. Evropa sad! Za zdravu Crnu Goru! 🇲🇪🇪🇺 pic.twitter.com/9vRU3dolrZ

— Zdravko Krivokapić (@profKrivokapic) January 19, 2022

Kërkesa për shkarkimin nga detyra të aleatit të koalicionit qeverisës vjen në një kohë kur Abazoviç ka nisur procedurat për të ndërmarrë mocion mosbesimi ndaj qeverisë.

Pjesë e kësaj iniciative përveç Lëvizjes Ura dhe një partie tjetër pjesë e mazhorancës, janë bashkuar të gjitha partitë opozitare mes të cilave dhe forca politike e presidentit, Milo Gjukanoviç.

Parlamenti i Malit të Zi përbëhet nga 81 deputetë dhe mazhoranca qeverisëse bashkë me votat e Abazoviç arrinte të formonte një shumicë të brishtë.

Pritet që me formimin e një shumice të re, Abazoviç të jetë kryeministër i një qeverie kalimtare që do të përgatisë vendin për të shkuar në zgjedhje.

LEXONI GJITHASHTU:

Abazoviç propozon krijimin e një qeverie të pakicës për tejkalimin e krizës në Mal të Zi

“Qeveria e Malit të Zi është në dorë të Dritan Abazoviç”, thotë politikani shqiptar

“Dritan Abazoviçit i është ofruar posti i Kryeministrit”, thotë politikani i Malit të Zi