Kryeministri Rama përplaset me Presidentin Meta për menaxhimin e pandemisë

Kryeministri Edi Rama dhe Presidenti Ilir Meta kanë lëshuar një sërë akuzash ndaj njëri-tjetrit ku thelbi i debatit është menaxhimi i pandemisë.

Në Twitter, presidenti i ka bërë thirrje kryeministrit që të rimbursojë shpenzimet e qytetarëve të kuruar në kushte shtëpie.

Sipas z. Meta, qeveria nuk ka një “strategji konkrete për përballuar përhapjen masive të pandemisë” dhe kjo reflektohet tek “shtimi i rasteve”, “humbjet në jetë” dhe “rrezikun e kolapsit të sistemit shëndetësor”. 

(1/2) Qytetarët e infektuar po shtohen çdo ditë! Jetët e humbura po shtohen çdo ditë! Shto testimet! Rimburso pacientët të cilët mjekohen në shtëpi, familjet në nevojë dhe pensionistët e infektuar me #COVID19! Rrit buxhetin për sistemin shëndetësor! Shto spitalet COVID!

— Ilir Meta (@ilirmetazyrtar) November 10, 2020

Nga ana tjetër, kryeministri Rama i është kundërpërgjigjur presidentit në Twitter duke e akuzuar se po përdor pandeminë për të marrë pushtetin.

Ilir, që ti Monika Luli Saliu i keni varur shpresat tuaja të lodhura për pushtet tek ëndrra e katastrofës shëndetësore, këtë e kupton çdokush me dy fije mend! Që do dështoni edhe më keq se herë tjetër këtë do ta shihni në 25 prill! Kjo që bëni është një turp që do u mbetet juve!

— Edi Rama (@ediramaal) November 10, 2020

Gjithashtu z. Rama ka përmendur dhe shifrat e vetëvrasjeve në Itali pas ngjarjes së rëndë të ditës së sotme ku një 69-vjeçar, i shtruar në spitalin Infektiv, ka tentuar vetëvrasjen duke u hedhur nga godina e spitalit.

Në Itali nga marsi në gusht janë vetëvrarë 71 persona me Covid dhe s’ka bërë vaki të merret opozita me këto tragjedi,po ju s’jeni opozitë, ju jeni një çetë e çakërdisur personazhesh qesharake me kostume serioze!Do kaloni dhe ju bashkë me Covidin,me dhimbje po do kaloni me dimrin!

— Edi Rama (@ediramaal) November 10, 2020

Lexoni gjithashtu 

• A po shkojmë drejt karantinës? Ministrja Manstirliu: Po përballemi me një virus të rrezikshëm
• Pandemia, Basha: Rama po i kushton Shqipërisë jetë njerëzish, këtë javë i dha 800 mln lekë inceneratorit të Elbasanit
• Rruga më e shpejtë dhe më pa kosto për diagnostikimin e COVID-19, radhë të gjata të Dispanseria