Kryeminsitri indian në takimin me Putinin: Jemi në anën e paqes në krizën e Ukrainës

Në një takim të zhvilluar këtë të premte, dy udhëheqësit Narendra Modi i Indisë dhe Vladimir Putin i Rusisë bashkëkryesuan samitin e 23-të vjetor Indi-Rusi në Nju Delhi.

Gjatë takimit, kryeministri indian u shpreh se Nju Delhi është “në anën e paqes” në krizën e Ukrainës.

Putin dhe Modi zhvilluan bisedime të shkurtra dypalëshe, pasi Presidenti Indian Droupadi Murmu priti Putinin në rezidencën presidenciale, së bashku me Modin, për një roje nderi ceremoniale.

“Jam plotësisht i bindur se me përpjekjet që po bëhen ditët e fundit, bota do të kthehet përsëri në drejtimin e paqes. Ne kemi diskutuar rregullisht krizën e Ukrainës dhe, si një mik i vërtetë, ju më keni informuar për problemet”, i tha Modi Putinit.

Duke kujtuar bisedat e tij të fundit mbi luftën në Ukrainë me udhëheqësit botërorë, Modi tha: “Gjithmonë u kam thënë atyre se India nuk është neutrale. India është në anën e paqes.”

“Ne jemi krah për krah me të gjitha përpjekjet për paqe», shtoi ai. «Të gjithë duhet të gjejmë rrugën e paqes”.

Duke iu drejtuar një konference të përbashkët për shtyp pas samitit me Putinin, Modi tha se India ka “mbrojtur paqen” në luftën e Ukrainës “që nga fillimi”.

“Ne mirëpresim të gjitha përpjekjet që po bëhen për një zgjidhje paqësore dhe të qëndrueshme të kësaj çështjeje”, tha ai, duke shtuar se India “ka qenë gjithmonë e gatshme të kontribuojë në pjesën e saj dhe do të mbetet e tillë edhe në të ardhmen”.

Putin zbarkoi në New Delhi të enjten vonë për një vizitë shtetërore dy-ditore, e para që nga viti 2021 dhe fillimi i luftës Moskë-Kiev në shkurt 2022.