Kryeparlamentari iranian: Negociatat mund të fillojnë pasi SHBA të përmbushë këto 2 kushte

Kryetari i Parlamentit të Iranit, Mohammad Bagher Ghalibaf ka deklaruar se negociatat me Shtetet e Bashkuara nuk mund të fillojnë kur Uashingtoni të përmbushë dy kushte kryesore.

Në një postim në X, Ghalibaf tha se një armëpushim në Liban dhe lirimi i aseteve të bllokuara të Iranit duhet të përmbushen përpara se të fillojnë negociatat.

“Dy nga masat e dakordësuara reciprokisht midis palëve ende nuk janë zbatuar: një armëpushim në Liban dhe lirimi i aseteve të bllokuara të Iranit para fillimit të negociatave. Këto dy çështje duhet të përmbushen para se të fillojnë negociatat”, shkroi ai.

Kërkesa për lirimin e aseteve të bllokuara ka qenë një çështje e përsëritur në negociatat e kaluara, por kjo është hera e parë që është ngritur si parakusht për bisedimet e ardhshme të armëpushimit. Ghalibaf është një nga emrat që pritet të udhëheqë delegacionin e Teheranit gjatë bisedimeve të fundjavës në Pakistan.