Kryepeshkopi Anastas uron festat: Viti i Ri qoftë paqeprurës dhe shëndetplotë!

Kryepeshkopi i Tiranës, Durrësit dhe i gjithë Shqipërisë, Anastas Janullatos ka uruar shqiptarët për festën e Krishtlindjes. Në mesazhin e tij, Kryepeshkopi shprehet se Kjo Krishtlindje ka nevojë për më shumë paqe dhe fundin e konfliktit në Ukrainë.

“Dëshira e zjarrtë për paqe, ndërkohë që lufta e dhimbshme dhe e papranueshme e Rusisë kundër Ukrainës vazhdon, si dhe shumë konflikte të tjera të armatosura në vende të ndryshme të botës, është kthyer në dhimbje të përditshme, klithmë dhe përgjërim.

Në pamje të parë, e kundërta e paqes mendohet të jetë lufta. Jam i bindur se e kundërta e paqes thellë-thellë është egocentrizmi i cili asgjësohet me anë të fuqisë mistike të dashurisë dhe të përulësisë që zbuloi Perëndinjeriu Krisht, i cili po vjen.

Le ta lavdërojmë atë duke kultivuar paqen me veten, me të tjerët dhe me Perëndinë. Le të përpiqemi të jemi bashkëpunëtorë të tij sipas porosisë. Lum paqebërësit se ata do të quhen bij të Perëndisë. Krishtlindje të Bekuara! Viti i Ri qoftë paqeprurës!”

LEXONI GJITHASHTU:

• Si do e festojnë qytetarët Krishtlindjen këtë vit?
• Merdani: Fluks turistësh për Krishtlindje në Berat, akomodime edhe në banesa private