“Kufomat notonin gjithandej”- Mjekja rrëfen tronditjen nga mbytja e anijes në Itali

Një anije me emigrantë është përmbysur në në Cutro, në zonën e Crotone. Mediat bëjnë me dije se numri i viktimave ka shkuar në 58.

Ky numër pritet të dyfishohet, ndërsa vendngjarja ka qenë traumatizuese për ekipet e shpëtimit. Mjekja Laura De Paoli ka rrëfyer për mediat italiane se kur kanë mbërritur në vendin e ngjarjes, kishte kufoma gjithandej.

“Kur mbërritëm në vendin e përmbytjes së anijes, pamë kufoma që notonin kudo dhe shpëtuam dy burra që mbanin në krahë një fëmijë. Fatkeqësisht, fëmija kishte vdekur. Të dy që mbajtën fëmijën mundëm t’i shpëtojmë. Ata ishin vëllai dhe daja i djalit. Ne u përpoqëm ta rikthenim, por mushkëritë e tij ishin plot me ujë. Ai ishte 7 vjeç,” – u shpreh mjekja.

Anija u nis nga Izmiri i Turqisë disa ditë më parë me emigrantë nga Afganistani, Irani dhe disa vende të tjera dhe u mbyt në mot të stuhishëm në brigjet lindore të Kalabrisë, raportoi Reuters.

LEXONI GJITHASHTU:

• 58 viktima nga anija e përmbysur në Itali, 1 i arrestuar për trafik njerëzish
• “Të plagosurit transportohen me anije”- Mjeku zbulon përmasat e tragjedisë në Turqi