Stina e verës ka shtuar urgjenca si pasojë e kafshimeve nga gjarpërinjtë dhe merimanga e zeze.

Në shërbimin e toksikologjisë, rastet janë të përditshme, por shefi i këtij shërbimi thotë se disa pacientëve ju është rrezikuar jeta për shkak të vonesave te paraqitjes ne spital apo ndërhyrjeve te gabuara ne vendin e kafshimit.

“Janë raste të zakonshme që vijnë në urgjencën tonë, me mundësi vdekjeprurëse nuk vlerësohet, zakonisht kafshimi kur është neurotoksik, brenda 30 minutave të para do fillojnë simptomat, ndaj brenda 1-2 orëve duhet të jepet ndihma e parë”, tha Andrin Tahiri, shef i shërbimit të Toksikologjisë, QSUT.

Ndihma e parë mbetet thelbësore për shpëtimin e jetës, por në disa raste ajo jepet në formë të gabuar.

Në këtë fillim sezoni, krahas urgjencave nga kafshimet e gjarprit dhe merimangës së zezë, toksikologet flasin për rritje të rasteve nga helmimet e ushqimeve dhe kryesisht nga kërpudhat. Mjekët bëjnë thirrje për kujdes dhe per çdo rast qytetaret t’i drejtohen qendrave me te afërta shëndetësore.