Kultivoi bimë narkotike në oborrin e banesës së tij, kapet 23-vjeçari në Kurbin

Shërbimet e Komisariatit të Policisë Kurbin, kanë zhvilluar disa kontrolle  në kuadër të planit operacional “Koordinata”, duke përdorur edhe dronë. Si rezultat, policia bëri të mundur goditjen e një rasti të kultivimit të bimëve narkotike.

Gjatë operacionit, shërbimet e Policisë arrestuan shtetasin me iniciale N. A., 23 vjeç, banues në fshatin Shpërdhet, Kurbin, i cili dyshohet se ka kultivuar 23 bimë narkotike në oborrin e banesës së tij.

Bimët narkotike u asgjësuan me anë të djegies, përveç një pjese që u sekuestrua në cilësinë e provës materiale.

Operacioni policor antikanabis “Koordinata” vijon pa ndërprerje, në të gjithë territorin e vendit.

LEXONI GJITHASHTU:

• Aksident mes dy mjeteve në aksin Sarandë–Delvinë, plagoset një grua
• U kap duke transportua kokainë në autostradën Tiranë-Durrës, arrestohet 22-vjeçari