Kupa e botës për klube, Lewandowski dërgon Bajernin në finale

Bajerni i Mynihut siguroi finalen e Botërorit të Klubeve ku do të përballet të enjten me ekipin meksikan Tigres. Kampionët e Evropës mundën 2-0 ata të Afrikës egjiptianët e Al Ahlit në takimin e luajtur të hënën në Doha.

Në fakt gjysmëfinalja ka qenë me një drejtim me gjermanët që kanë ushtruar presion nga fillimi deri në fund. Në të vetmin moment që egjiptianët janë shfaqur në portën gjermane ka qenë në të 21’ me Muhamed, por Nojer bllokon.

Në pjesën e dytë përsëri gjithçka është nën dominimin e Bajernit. Dhe gradualisht vihet te goli i dytë në një aksion model të Sane nga krahu i djathtë dhe Lewandowski e ka shtyrë topin me kokë në rrjetë.

Kaq mjafton për të dërguar Bajernin në finale, ndërsa Muhamed në të 86’ ka kërkuar golin e nderit, por Nojer shmang gjithçka me pritjen e tij. Finalja Tigres – Bajer i Mynihut do të luhet më 11 shkurt në ora 19:00.