Kupa e shqiptarëve “Nënë Tereza”, mediat serbe zemërohen nga ideja e turneut

Federata Shqiptare e Futbollit dhe ajo e Kosovës po punojnë që se shpejti të startojë Kupa “Nënë Tereza”, një turne ky i parashikuar që të organizohet me pjesëmarrjen e ekipeve nga Shqipëria dhe Kosova.

Akoma nuk ka asgjë zyrtare pasi kërkesa për krijimin e këtij turneu është dërguar për miratim në FIFA dhe UEFA. Turneu parashikon pjesëmarrjen e skuadrave nga dy vendet dhe qëllimi është që fituesi I kupës të ketë të drejtën për të marrë pjesë më pas në kupat e Evropës.

Megjithatë e ardhmja e këtij kompeticioni do të varet nga UEFA,  që duhet të japë dritën jeshile.

Por akoma pa nisur të marrë formë kjo ide e propozuar në serbi nuk kanë qenë aspak dakord me krijimin e këtij kompeticioni. E përditshmja serbe Alo.rs pak kohë më parë doli me titullin provokues  “Shqipëria dhe Kosova do të organizojnë Kupën për të nderuar ‘Engjëllin e Ferrit”.

Ndërkohë që një tjetër media serbe, Blic, reagoi ndaj lajmeve me një artikull të titulluar “ODAKLE SAD OVO?” që do të thotë, “Po kjo nga doli tani?”