Kuqezinjtë, 5 gola dhe 3 asiste/ Seferi lojtari i ndeshjes me Bani Yas

Kur duhen 46 ditë deri në nisjen zyrtare të kampionatit evropian, lojtarët e kombëtares shqiptare po kalojnë një formë tejet pozitive, duke shënuar gol dhe asistuar për shokët e skuadrës.

Nga Turqia, në Rusi, Spanjë e Emiratet e Bashkuara Arabe, u lanë gjurmë kuqezi. Myrto Uzuni shënoi një tjetër gol me GRanadën në elitën e futbollit spanjoll, duke regjistruar kështu golin numër 11 sezonal. Skuadra e tij fitoi 3-0, ndërsa beratasi realizoi golin e dytë të sfidës.

Në Turqi, Rey Manaj nuk ka të ndalur, ndërsa nuk kanë fund as eurogolat e tij, një tjetër i regjistruar në fundjavë. Ndaj Konyaspor, goli i vetëm për Sivassporin erdhi nga lushnjari, ndërsa si titullar përballjen e nisi dhe Sokol Cikalleshi. Plot 18 gola numëron Manaj në kampionatin turk, duke u kthyer dhe në një pretendent për këpucën e artë.

Në Rusi, Mirlind Daku po kalon formë shumë pozitive, ku ndaj Zenitit shënoi 1 gol dhe asistoi për shokun e skuadrës, ndërsa Rubin Kazan triumfoi 2-0. Në Emiratet e Bashkuara Arabe, Seferi realizoi një dopietë në fitoren 4-2 të Bani Yas, ndërsa u zgjodh lojtari i ndeshjes madje duke u vlerësuar me notën 9.8 nga Sofascore. Krahas tyre ka dhe lojtarë të tjerë që edhe pse nuk lanë gjurmë vijojnë të marrin minuta me ekipet respektive.

LEXONI GJITHASHTU: 

• Raporti i ISHP: Cilat janë sjelljet rrezikshme në adoleshencë në Shqipëri
• Pr.ligji për nënat zëvendësuese, reagojnë komunitetet fetare në vend